Վիշեգրադյան քառյակի փորձի կիրառումը Հայաստանում խորացված բարեփոխումների համար
Նախագծի նպատակն էր Հայաստանի կառավարության կողմից, ինչպես նաև Հայաստան-ԵՄ Համապարփակ և ընդլայնված գործընկերության համաձայնագրով առաջնահերթություն համարվող որոշ ոլորտներում բարեփոխումներին նպաստելը` փորձագիտական քննարկումների և քաղաքականության համառոտագրերի միջոցով, ինչպես նաև ընդհանուր մարտահրավերները քննարկելը: Այն նաև հանդիսանում էր 2020-2021 թթ․ իրականացված «Վիշեգրադյան քառյակի փորձի կիրառումը Հայաստանում բարեփոխումների առաջխաղացման համար» ծրագրի շարունակությունը։
Նախագիծը ներառել է առցանց քննարկումներ Վիշեգրադյան քառյակի երկրները ներկայացնող փորձագետների հետ, ինչպես նաև փորձագետների այցեր Հայաստան և քննարկումներ հայ փորձագետների և պաշտոնյաների հետ՝ մասնավորապես անդրադառնալով հետևյալ ոլորտներին.
- Վիշեգրադյան քառյակի երկրների անվտանգային քաղաքականությունը,
- թվայնացում և տեղեկատվական հասարակության զարգացում,
- առողջապահություն և ճգնաժամային կառավարում,
- տեղական ինքնակառավարում:
ՔՀԿ և գործընկեր փորձագետների կողմից նախապատրաստված համառոտագրերը.
Այլ նյութեր
(պրեզենտացիաների ֆայլերը հասանելի են ներբեռնելու համար)
Կենտրոնական Եվրոպայի երկրների անվտանգային քաղաքականությունը
2022 թ․ նոյեմբերի 21-ին և 22-ին ՔՀԿ-ն կազմակերպել էր «Strategic Analysis» կենտրոնի տնօրեն Յան Ցինգելի այցը Հայաստան։ Նոյեմբերի 21-ին Յ․ Ցինգելը մի շարք պաշտոնյաների և փորձագետների մասնակցությամբ տեղի ունեցած համաժողովի ընթացքում հանդես եկավ զեկույցով՝ «Սլովակիայի անվտանգային քաղաքականությունը տարածաշրջանային համագործակցության համատեքստում՝ հիբրիդային ռիսկերի պայմաններում» թեմայով։ Ծրագրի շրջանակում կազմակերպված առաջին միջոցառմանը բացման խոսքով հանդես էին եկել ՔՀԿ փոխնախագահ Արմեն Գրիգորյանը և Հայաստանում Սլովակիայի դեսպանորդ Պավոլ Պոպյակը։ Յ․ Ցինգելը նաև հարցազրույց է տվել 1in.am-ին՝ Հայաստանի իրավիճակի վերաբերյալ Սլովակիայում և ԵՄ-ում առկա ընկալումների մասին։
Բացի այդ, Միջազգային և անվտանգության հարցերի հայկական ինստիտուտի գրասենյակում տեղի է ունեցել հանդիպում մի խումբ փորձագետների հետ։ Քննարկվել են տարածաշրջանային անվտանգության խնդիրները և Արևելյան գործընկերության հեռանկարները։
2022 թ․ դեկտեմբերի 12-13-ին ՔՀԿ-ն կազմակերպել էր Պրահայի քաղաքականության և հասարակության ինստիտուտի փորձագետ Յան Հավլիչեկի այցը Հայաստան։ Դեկտեմբերի 12-ին Յ․ Հավլիչեկը մի շարք պաշտոնյաների և փորձագետների մասնակցությամբ տեղի ունեցած համաժողովի ընթացքում հանդես եկավ զեկույցով՝ «Հանրային ծառայությունների թվայնացումը Չեխիայում» թեմայով (տե՛ս ստորև)։ Յ․ Հավլիչեկը նաև հարցազրույց է տվել «Առավոտ» օրաթերթին․ «Հիբրիդային սպառնալիքները՝ ուշադրության կենտրոնում»:
2023 թ․ հունվարի 18-19-ին ՔՀԿ-ն կազմակերպել էր «Res Publica» հիմնադրամի նախագահ, «Visegrad Insight» հանդեսի գլխավոր խմբագիր Վոյչեխ Պշիբիլսկու այցը Հայաստան։ Հունվարի 18-ին Վ․ Պշիբիլսկին մի շարք պաշտոնյաների և փորձագետների մասնակցությամբ տեղի ունեցած համաժողովի ընթացքում հանդես եկավ զեկույցով՝ «Լեհաստանի անվտանգային քաղաքականությունը» թեմայով։ Համաժողովի բացմանը նաև ելույթ է ունեցել Լեհաստանի դեսպան Պավել Չեպլակը։
Հունվարի 19-ին Միջազգային և անվտանգության հարցերի հայկական ինստիտուտի գրասենյակում տեղի է ունեցել հանդիպում մի խումբ փորձագետների հետ և քննարկում Հայաստանի անվտանգային միջավայրի վերաբերյալ։ Տեղի են ունեցել նաև այլ հանդիպումներ հայ փորձագետների հետ։
Թվայնացում և տեղեկատվական հասարակության զարգացում
2022 թ․ դեկտեմբերի 12-13-ին ՔՀԿ-ն կազմակերպել էր Պրահայի քաղաքականության և հասարակության ինստիտուտի փորձագետ Յան Հավլիչեկի այցը Հայաստան։ Դեկտեմբերի 12-ին Յ․ Հավլիչեկը մի շարք պաշտոնյաների և փորձագետների մասնակցությամբ տեղի ունեցած համաժողովի ընթացքում հանդես եկավ զեկույցով՝ «Հանրային ծառայությունների թվայնացումը Չեխիայում» թեմայով։
2023 թ․ հունվարի 17-ին կազմակերպվել էր «Ստարտափ էկոհամակարգերը Հունգարիայում» թեմայով քննարկում՝ Բուդապեշտի Կորվինուս համալսարանի դասախոս Թիմոթի Գիթինսի առցանց մասնակցությամբ։
2023 թ․ մայիսի 10-ին Մեդիա կենտրոնում կազմակերպվել էր էլեկտրոնային կառավարման համակարգերի արդյունավետ գործարկման և կիբեռանվտանգության թեմայով ամփոփիչ քննարկում՝ ՔՀԿ նորընտիր նախագահ Արմեն Գրիգորյանի, «Փոլիսինեթ» գիտահետազոտական կենտրոնի համահիմնադիր, թվային մեդիա և քաղաքական հաղորդակցություն միջդիսցիպլինար ոլորտի հետազոտող Վիկտորյա Մելքոնյանի և «Թվային Հայաստան» կազմակերպության գործադիր տնօրեն Մերի Շերոյանի մասնակցությամբ։
Առողջապահության բարեփոխումներ և ճգնաժամային կառավարում
2022 թ․ դեկտեմբերի 14-15-ին ՔՀԿ-ն կազմակերպել էր Բուդապեշտի քաղաքականության հետազոտական ինստիտուտի ավագ փորձագետ Բալաժ Վարադիի այցը Հայաստան։ Դեկտեմբերի 14-ին Բ․ Վարադին մի շարք պաշտոնյաների և փորձագետների մասնակցությամբ տեղի ունեցած համաժողովի ընթացքում հանդես եկավ զեկույցով՝ «Ճգնաժամային կառավարումը համավարակի պայմաններում․ Հունգարիայի փորձը» թեմայով։
Դեկտեմբերի 15-ին կազմակերպվել է աշխատանքային ճաշկերույթ ՀՀ ԱՆ առողջապահության ֆինանսավորման փորձագետ, առողջության ապահովագրության համակարգի ներդրման հարցերով աշխատանքային խմբի անդամ Սամվել Խարազյանի հետ:
2023 թ․ հունվարի 24-ին կազմակերպվել էր «Տեղական ինքնակառավարումը Սլովակիայում» թեմայով քննարկում՝ Բանսկա Բիստրիցայի համալսարանի տնտեսագիտության ֆակուլտետի դասախոս Կատարինա Սիկորովայի առցանց մասնակցությամբ։
2023 թ․ փետրվարի 24-ին կազմակերպվել էր «Տեղական ինքնակառավարումը Լեհաստանում» թեմայով քննարկում՝ Կրակովի Յագելոնյան համալսարանի քաղաքագիտության և միջազգային հարաբերությունների ֆակուլտետի ինտեգրացիոն գործընթացների ուսումնասիրման ամբիոնի դասախոս Միխալ Դուլակի առցանց մասնակցությամբ։
2023 թ․ մարտի 7-ին կազմակերպվել էր «Տեղական ինքնակառավարումը Չեխիայում» թեմայով քննարկում՝ Ուստի նադ Լաբեմ քաղաքի փոխքաղաքապետ Տոմաշ Վլախի առցանց մասնակցությամբ։
2023 թ․ ապրիլի 27-ին Մեդիա կենտրոնում կազմակերպվել էր «ՏԻ մարմինների չձևավորումը՝ համայնքային ճգնաժամի սկզբնաղբյուր» թեմայով ամփոփիչ քննարկում՝ ՔՀԿ հետազոտող Տաթևիկ Ղազարյանի և «ՄԻՏՔ» հասարակական կազմակերպության նախագահ Լևոն Չուկակլյանի մասնակցությամբ։
