Գլխավոր էջ	Մեր մասին	Հրապարակումներ	Նախագծեր	Այլ նյութեր
								Հետևեք մեզ․
							Facebook	Twitter	Youtube
	Ընթացիկ նախագծեր
	Հիմնվելով Գերմանիայի արտաքին գործերի նախարարության օժանդակությամբ «Ճգնաժամային մոդելավորում հանուն խաղաղության» կազմակերպության հետ համատեղ իրականացված «Մեդիագրագիտության և ժողովրդավարական դիմակայունության առաջխաղացում» ծրագրի փորձի վրա, ներկայումս ընթանում է մեդիագրագիտության դասընթացների նոր շարքը Հայաստանի մարզերում։ Դեկտեմբերին նաև կկազմակերպվի ծրագրի փորձագետների և մի շարք մասնակիցների այցելությունը Գերմանիա։
	Իրականացված նախագծեր
	«Հասարակական դիմակայունության զարգացում․ ներառական կառավարում և ռազմավարական հաղորդակցություն» ծրագրի շրջանակում սեպտեմների 26-ից հոկտեմբերի 3-ը կազմակերպվեց երեք դասընթաց՝ Կապանում, Գյումրիում և Երևանում։ Ծրագրի գործընկեր փորձագետ, Վիլնյուսի համալսարանի կոմունիկացիայի ֆակուլտետի դոցենտ Դալյա Բանկաուսկայտեն նաև հարցազրույց է տվել 1in.am-ին (տեսանյութը՝ ռուսերեն)։ Ծրագիրը հիմնվել էր 2023 թ․ «Եվրոպայի տուն» կազմակերպության հետ համատեղ՝ Լիտվայի զարգացման համագործակցության և ժողովրդավարության առաջխաղացման ծրագրի օժանդակությամբ կազմակերպված պետական պաշտոնյաների համար ռազմավարական հաղորդակցության դասընթացի փորձի վրա։
	«Հանրային ծառայողների հմտությունների զարգացում․ հանրային քաղաքականության մշակում և գնահատում» ծրագրի շրջանակում «Res Publica» հիմնադրամի, Բուդապեշտի հանրային քաղաքականության վերլուծությունների ինստիտուտի, Քաղաքականության և հասարակության ինստիտուտի և «Ռազմավարական վերլուծություն» կենտրոնի փորձագետների մասնակցությամբ 2024 թ․ ապրիլի 8-ից 12-ը կազմակերպվել է դասընթաց։ Տարբեր երկրների փորձից օրինակների կիրառմամբ կատարվել է Հայաստանում, Վիշեգրադյան քառյակի երկրներում և այլ երկրներում առկա մոտեցումների համեմատություն։ Դասընթացի մասնակիցները նաև քննարկում են ունեցել Չեխիայի Հանրապետության արտակարգ և լիազոր դեսպան Պետր Պիրունչիկի, Սլովակիայի Հանրապետության արտակարգ և լիազոր դեսպան Միրոսլավ Հացեկի և Լեհաստանի Հանրապետության դեսպանատան քաղաքական-տնտեսական բաժնի ղեկավար Մարչին Ռուժիցկու հետ՝ անդրադարձան մասնագիտական վերապատրաստման առկա կարիքների գնահատմանը և փորձագիտական համագործակցության ընդլայնման հնարավորություններին։ Ծրագիրը նպաստել է Հայաստանում և Վիշեգրադյան քառյակի երկրներում մի շարք փորձագետների հետ արդեն իսկ հաստատված համագործակցության շրջանակների ընդլայնմանը, ինչպես նաև Հայաստանի պետական մարմինների հետ համագործակցությանը։
	Գերմանիայի արտաքին գործերի նախարարության օժանդակությամբ՝ «Ճգնաժամային մոդելավորում հանուն խաղաղության» կազմակերպության հետ համատեղ իրականացված «Մեդիագրագիտության և ժողովրդավարական դիմակայունության առաջխաղացում» ծրագրի շրջանակում 2023 թ. դեկտեմբերի 5-ին կազմակերպվել է «Ապատեղեկատվություն և կեղծ խոսույթներ․ հիբրիդային սպառնալիքներ» թեմայով համաժողովը, որը հեռարձակվել է 1in.am-ի կողմից։ Համաժողովի առաջին նիստի՝ «Անվտանգության հակադրումը ժողովրդավարությանը․ քաղաքական իրավիճակի և արտաքին քաղաքականության վերաբերյալ կեղծ խոսույթները» թեմայով մասնակիցների ելույթները նաև հրապարակվել են «Առավոտ» օրաթերթում՝ դեկտեմբերի 12-ին և 13-ին։ Դեկտեմբերի 15-ին Հելսինկյան քաղաքացիական ասամբլեայի Վանաձորի գրասենյակում կազմակերպվել է նաև «Ժողովրդավարություն և անվտանգություն» թեմայով փորձագիտական քննարկումը՝ գործընկեր փորձագետների մասնակցությամբ։ Բացի այդ, ծրագրի շրջանակում կազմակերպվել են առցանց քննարկումներ հայաստանյան և օտարերկրյա փորձագետների մասնակցությամբ՝ դեկտեմբերի 11-ին՝ «Սոցիալական ԶԼՄ-ների դերը ապատեղեկատվության սկզբնավորման և տարածման գործում», իսկ դեկտեմբերի 18-ին՝ «ՀՀ-ԵՄ համագործակցության վերաբերյալ ապատեղեկատվությունը և կեղծ խոսույթները» թեմայով։ Լույս է տեսել նաև «Ժողովրդավարական դիմակայունության առաջխաղացում» հոդվածաշարը, որում ներառվել են վերլուծական հոդվածներ ՀՀ-ԵՄ համագործակցության վերաբերյալ ապատեղեկատվության, հակաժողովրդավարական քարոզչությունում ինքնության խնդիրների չարաշահման և սոցիալական ցանցերի դերի մասին հոդվածներ։ Հոկտեմբերի 23-ից 27-ը ՔՀԿ-ի և գործընկեր փորձագետներն այցելել էին Գերմանիա։ Այցի ընթացքում տեղի են ունեցել հանդիպումներ ապատեղեկատվության ոլորտն ուսումնասիրող հետազոտողների և հասարակական կազմակերպությունների ներկայացուցիչների հետ, ՀՀ-Գերմանիա և ՀՀ-ԵՄ հարաբերությունների և դրանց առաջխաղացման հնարավորությունների մասին քննարկումներ պաշտոնյաների և հետազոտական կառույցների ներկայացուցիչների հետ։ Խմբի համար նաև ընդունելություն է կազմակերպվել Գերմանիայում ՀՀ դեսպանատանը, որտեղ դեսպան Վիկտոր Ենգիբարյանի հետ քննարկումը ևս անդրադարձավ հայ-գերմանական երկկողմ հարաբերություններին և ՔՀԿ կողմից իրականացվող ծրագրին։ Ծրագրի շրջանակում կազմակերպվել են մեդիագրագիտության դասընթացներ․ սեպտեմբերի 26-ին՝ Երևանում, սեպտեմբերի 30-ին՝ Արմավիրում, հոկտեմբերի 14-ին և 15-ին՝ Գյումրիում՝ մասնակիցների երկու խմբերի հետ, նոյեմբերի 25-ին՝ Իջևանում, նոյեմբերի 26-ին՝ Թալինում, դեկտեմբերի 16-ին՝ Մասիսում, դեկտեմբերի 17-ին՝ Վանաձորում, և դեկտեմբերի 26-ին՝ դարձյալ Երևանում։ Դասընթացների 175 մասնակից՝ դասավանդողներ, երիտասարդ ակտիվիստներ և ուսանողներ, ստացել են հավաստագրեր։
	2023 թ. սեպտեմբերի 12-ից 15-ը «Եվրոպայի տուն» կազմակերպության հետ համատեղ՝ Լիտվայի զարգացման համագործակցության և ժողովրդավարության առաջխաղացման ծրագրի օժանդակությամբ իրականացված ծրագրի շրջանակում կազմակերպվել է ռազմավարական հաղորդակցության դասընթաց պետական պաշտոնյաների համար։
	«Վիշեգրադյան քառյակի փորձի կիրառումը Հայաստանում խորացված բարեփոխումների համար» նախագիծն իրականացվել է 2022 թ․ հոկտեմբերից 2023 թ․ ապրիլ ընկած ժամանակահատվածում՝ Լեհաստանից, Չեխիայից, Սլովակիայից և Հունգարիայից գործընկերների հետ համագործակցությամբ։ Նախագծի նպատակն էր Հայաստանի կառավարության կողմից, ինչպես նաև Հայաստան-ԵՄ Համապարփակ և ընդլայնված գործընկերության համաձայնագրով առաջնահերթություն համարվող որոշ ոլորտներում բարեփոխումներին նպաստելը՝ փորձագիտական քննարկումների և քաղաքականության համառոտագրերի միջոցով: ԴԻՏԵԼ
	«Արտահերթ խորհրդարանական ընտրություններ 2021․ նախընտրական ծրագրերի և քարոզչության վերլուծություն» նախագիծն իրականացվել է 2021 թ․ հունիս-սեպտեմբեր ժամանակահատվածում: ՔՀԿ և գործընկեր հետազոտողների կողմից վերլուծվել են մի շարք կուսակցությունների և դաշինքների արտաքին քաղաքականությանը վերաբերող ծրագրային դրույթները, քաղաքացիական հասարակության նկատմամբ դիրքորոշումները, ապատեղեկատվության տարածման որոշ առանձնահատկություններ, ինչպես նաև ատելության խոսքը, թշնամանք հրահրող, ռազմատենչ և վիրավորական հռետորաբանությունը։ Նախագծի արդյունքներն ամփոփվել են համանուն գրքում։ ՆԵՐԲԵՌՆԵԼ
	«Ապատեղեկատվության վերլուծություն և փորձագիտական կարողությունների զարգացում» նախագիծն իրականացվել է 2020 թ․ հոկտեմբերից 2021 թ․ ապրիլ ընկած ժամանակահատվածում։ Հաշվի առնելով համաճարակային իրավիճակը, ետպատերազմյան իրավիճակը և տեղեկատվական դաշտում ընդհանուր իրավիճակը, ուսումնասիրվել են ապատեղեկատվության աղբյուրները, կիրառվող մեթոդներն ու դրանց հակազդելու միջազգային փորձը, ինչպես նաև կազմակերպվել են դասընթացներ՝ երիտասարդ փորձագետների և ուսանողների համար։ ԴԻՏԵԼ
	«Վիշեգրադյան քառյակի փորձի կիրառումը Հայաստանում բարեփոխումների առաջխաղացման համար» նախագիծն իրականացվել է 2020 թ․ հուլիսից 2021 թ․ հունիս ընկած ժամանակահատվածում՝ Լեհաստանից, Չեխիայից, Սլովակիայից և Հունգարիայից գործընկերների հետ համագործակցությամբ։ Նախագծի նպատակն էր Հայաստանի կառավարության կողմից, ինչպես նաև Հայաստան-ԵՄ Համապարփակ և ընդլայնված գործընկերության համաձայնագրով առաջնահերթություն համարվող որոշ ոլորտներում բարեփոխումներին նպաստելը` փորձագիտական քննարկումների և քաղաքականության համառոտագրերի միջոցով: ԴԻՏԵԼ
	«Ժողովրդավարական արժեքների ամրապնդում՝ համավարակին վերաբերող ապատեղեկատվությանը հակազդելով» նախագիծն իրականացվել է 2020 թ․ հուլիսից 2021 թ․ հունվար ընկած ժամանակահատվածում՝ Ռումինիայից և Լատվիայից գործընկերների հետ համագործակցությամբ և այլ փորձագետների ներգրավմամբ։ Նախագծի նպատակը կորոնավիրուսի համաճարակի վերաբերյալ ապատեղեկատվության ու մանիպուլյատիվ հրապարակումների, ինչպես նաև Կենտրոնական և Արևելյան Եվրոպայում՝ մասնավորապես Արևելյան Գործընկերության երկրներում, իրավիճակն ապակայունացնելու նպատակով կեղծ լուրերն ու քարոզչությունն օգտագործելու փորձերի մշտադիտարկումն ու վերլուծությունն էր: ԴԻՏԵԼ
	«Հայաստանը Եվրոպայում» նախագծի հիմքում ընկած էր կառավարման համակարգի և ոլորտային բարեփոխումների իրականացման նպատակով Եվրամիության հետ համագործակցության, մասնավորապես Հայաստան-ԵՄ Համապարփակ և ընդլայնված գործընկերության համաձայնագրով նախատեսված հնարավորությունների իրագործման կարևորության մասին պատկերացումը: Նախագծի շրջանակում կազմակերպվել էին «Հայաստան-ԵՄ համագործակցության ներկա կարգավիճակը ու սպասվող զարգացումները» և «Եվրոպայում համակարգի փոփոխությունից 30 տարի անց. պատմական դասեր և ժամանակակից մարտահրավերներ ու հնարավորություններ» քննարկումները: Հետագա միջոցառումները չեղարկվել էին համաճարակի պատճառով, սակայն 2020 թ․ մարտից մինչև 2021 հունվար հրատարակվում էր «EaP Monthly Bulletin» անգլերեն ամսաթերթը, որում լուսաբանվում էին ԱլԳ երկրներում տեղի ունեցող որոշ իրադարձություններ: Ամսաթերթի թողարկումները 2020 և 2021 թթ․ հրապարակումների ցանկում են։
	© 2019 - 2024 Քաղաքականության հետազոտական կենտրոն							Հետևեք մեզ․
							Facebook	Twitter	Youtube
	Երևան 0011, Սերո Խանզադյանի փ. 119/1 հեռ․ 093 821185, էլ․ փոստ cps[at]centreforpolicystudies.org