2026 թ․ խորհրդարանական ընտրություններին նախորդող շրջանում ակնկալվում էր, որ քարոզչության ինտենսիվությունն ավելանալու էր։ Հետազոտությունները ցույց էին տալիս, որ Ռուսաստանը և Ադրբեջանը համատեղ ջանքեր էին գործադրում՝ ՀՀ-ԵՄ համագործակցությունն, այդ թվում՝ ԵՄ դիտորդական առաքելությունը, վիզաների ազատականացման գործընթացը և այլ ոլորտներում ընթացող գործընթացները վարկաբեկելու համար։ Հայաստանի բարձրաստիճան պաշտոնյաները նույնպես հաստատել են Ռուսաստանից առաջացող հիբրիդային սպառնալիքների առկայությունը, մասնավորապես՝ հանրային դիվանագիտության և տեղական գործիչների ներգրավմամբ։ Խնդրահարույց են մասնավորապես երիտասարդների շրջանում առկա տրամադրությունները։ Միջազգային հանրապետական ինստիտուտի հետազոտության արդյունքները ցույց են տալիս, որ երիտասարդ սերունդն ավելի քիչ է շահագրգռված եվրոպական ինտեգրմամբ․ հնարավոր պատճառներից են, հավանաբար, քաղաքական ապատիան և որոշ լրատվամիջոցների և հատկապես սոցցանցերի նկատմամբ նախապատվությունը։
Այդ համատեքստում «Հայաստանում ապատեղեկատվության հետ առնչվող սպառնալիքների նկատմամբ քաղաքացիական հասարակության կառույցների դիմակայունության զարգացում» ծրագրի շրջանակում հոկտեմբերի 20-21-ին Երևանում, իսկ այնուհետև՝ 23-24-ին Գորիսում տեղի ունեցան «Ինչպե՞ս է քաղաքացիական հասարակությունը կառուցում դիմակայունություն՝ ընդդեմ ապատեղեկատվության» թեմայով դասընթացներ՝ քաղաքացիական հասարակության կառույցների ներկայացուցիչների համար։
Ծրագիրը հնարավորություն է տվել շարունակական դարձնել 2023-ից «Եվրոպայի տուն» կազմակերպության հետ ընթացող համագործակցությունը՝ Լիտվայի զարգացման համագործակցության և ժողովրդավարության առաջխաղացման ծրագրի օժանդակությամբ։
հեռ․ 093 821185, էլ․ փոստ cps[at]centreforpolicystudies.org