2024 թ․ ապրիլի 8-ից 12-ը Միջազգային վիշեգրադյան հիմնադրամի օժանդակությամբ կազմակերպվեց դասընթաց «Res Publica» հիմնադրամի, Բուդապեշտի հանրային քաղաքականության վերլուծությունների ինստիտուտի, Քաղաքականության և հասարակության ինստիտուտի և «Ռազմավարական վերլուծություն» կենտրոնի փորձագետների մասնակցությամբ։ Տարբեր երկրների փորձից օրինակների կիրառմամբ կատարվել է Հայաստանում, Վիշեգրադյան քառյակի երկրներում և այլ երկրներում առկա մոտեցումների համեմատություն։
Դասընթացի մասնակիցները նաև քննարկում են ունեցել Չեխիայի Հանրապետության արտակարգ և լիազոր դեսպան Պետր Պիրունչիկի, Սլովակիայի Հանրապետության արտակարգ և լիազոր դեսպան Միրոսլավ Հացեկի և Լեհաստանի Հանրապետության դեսպանատան քաղաքական-տնտեսական բաժնի ղեկավար Մարչին Ռուժիցկու հետ՝ անդրադարձան մասնագիտական վերապատրաստման առկա կարիքների գնահատմանը և փորձագիտական համագործակցության ընդլայնման հնարավորություններին։
Ծրագիրը նպաստել է Հայաստանում և Վիշեգրադյան քառյակի երկրներում մի շարք փորձագետների հետ արդեն իսկ հաստատված համագործակցության շրջանակների ընդլայնմանը, ինչպես նաև Հայաստանի պետական մարմինների հետ համագործակցությանը։
հեռ․ 093 821185, էլ․ փոստ cps[at]centreforpolicystudies.org