Ծրագրի նպատակը հանրային ծառայողների և երիտասարդ դասախոսների համար հայկական համատեքստը հաշվի առնելով մշակված հանրային քաղաքականության դասընթաց անցկացնելն է՝ Վիշեգրադյան քառյակի երկրները ներկայացնող փորձագետների մասնակցությամբ։ Տարբեր երկրների փորձից օրինակների ուսումնասիրմամբ մասնակիցներին հնարավորություն կտրվի համեմատել Հայաստանում, Վիշեգրադյան քառյակի երկրներում և այլ երկրներում առկա մոտեցումները, ինչպես նաև հանրային քաղաքականությունը դիտարկել միջառարկայական տեսանկյունից՝ համապատասխան մեթոդաբանության միջոցով։
Ծրագիրը թույլ կտա ընդլայնել Հայաստանում և Վիշեգրադյան քառյակի երկրներում մի շարք փորձագետների հետ արդեն իսկ հաստատված համագործակցության շրջանակները, խորացնել Հայաստանի պետական մարմինների, կրթական հաստատությունների և քաղաքացիական հասարակության կառույցների հետ համագործակցությունը, ինչպես նաև կնպաստի հետագայում պլանավորվող դասընթացների բովանդակությունը Հայաստանի պետական մարմինների կարիքներին համապատասխանեցնելուն։
հեռ․ 093 821185, էլ․ փոստ cps[at]centreforpolicystudies.org