Ապրիլի 8-ից 12-ը տեղի ունեցավ «Հանրային ծառայողների հմտությունների զարգացում․ հանրային քաղաքականության մշակում և գնահատում» ծրագրի շրջանակում Միջազգային վիշեգրադյան հիմնադրամի և Կորեայի Հանրապետության ԱԳՆ-ի աջակցությամբ կազմակերպված դասընթացը։
Ապրիլի 10-ին նաև տեղի է ունեցել քննարկում՝ դասընթացին մասնակցող հանրային ծառայողների և հասարակական կազմակերպությունների ներկայացուցիչների, գործընկեր փորձագետների, ինչպես նաև Չեխիայի Հանրապետության արտակարգ և լիազոր դեսպան Պետր Պիրունչիկի, Սլովակիայի Հանրապետության արտակարգ և լիազոր դեսպան Միրոսլավ Հացեկի և Լեհաստանի Հանրապետության դեսպանատան քաղաքական-տնտեսական բաժնի ղեկավար Մարչին Ռուժիցկու մասնակցությամբ։ Քննարկման ընթացքում մասնակիցներն անդրադարձան մասնագիտական վերապատրաստման առկա կարիքների գնահատմանը և փորձագիտական համագործակցության ընդլայնման հնարավորություններին։
Գործընկեր փորձագետների հարցազրույցները և այլ նյութեր ևս շուտով կհրապարակվեն։
4.4.2024 ՔՀԿ նախագահ Արմեն Գրիգորյանի «Արտաքին և տնտեսական քաղաքականության դիվերսիֆիկացիա․ Հայաստանի առաջնահերթ խնդիրը» հոդվածը ներառվել է Ռումինիայի եվրոպական ինստիտուտի «Սևծովյան տարածաշրջան. սիներգիայից ռազմավարություն։ Հնարավորությունների և մարտահրավերների գնահատում» զեկույցում (անգլերեն)։
4.4.2024 ՔՀԿ նախագահ Արմեն Գրիգորյանը ելույթ է ունեցել «Հայաստանի եվրաինտեգրման նոր հեռանկարները և մարտահրավերները» թեմայով խորհրդարանական լսումներին։
26.3.2024 ՔՀԿ նախագահ Արմեն Գրիգորյանի հարցազրույցը 1in.am-ում. «Որոշ ուժեր սահմանամերձ գյուղերում զբաղված են խառնակչությամբ և խուճապ տարածելով»։
26.3.2024 ՔՀԿ նախագահ Արմեն Գրիգորյանը մասնակցել է Միջազգային և անվտանգության հարցերի հայկական ինստիտուտում տեղի ունեցած քննարկմանը՝ մարտի 23-ին և 24-ին Տավուշ կատարած այցի մասին։
22.3.2024 ՔՀԿ նախագահ Արմեն Գրիգորյանը մի խումբ գործընկեր փորձագետների հետ Եղեգնաձոր կատարած այցի ընթացքում հանդիպել է Հայաստանում ԵՄ առաքելության ղեկավար Մարկուս Ռիտերի և առաքելության այլ անդամների հետ։ Քննարկվել են փոխադարձ հետաքրքրություն ներկայացնող հարցեր։